Plantun de Prouvènço

Pèr coumpara dos planto d'encò nostre

Polypodium vulgare & Valerianella echinata

Regalisso-bastardo

Polypodium vulgare

Polypodiaceae

Àutri noum : Regalisso-de-chivau, Regalisse-bastard, Poulipòdi.

Nom en français : Polypode commun.

Descripcioun :
La regalisso-bastardo trachis au nostre subretout en mountagno sus sòu séusous. I'agrado li roucas e li bos fres. Pèr la bèn destria de sa cousino, Polypodium interjectum, faudrié regarda lis espourange au microuscope (x 100) pèr verifia que i'ague mai de 11 celulo à l'assiso mecanico. Pamens lis espourange devènon madur l'estiéu eici alor que pèr P. interjectum, es en autouno. De nouta tambèn qu'aquesto assiso èi mai sourno eici (fotò-sèmblo un vèrme brun).

Usanço :
La regalisso-bastardo tèn soun noum de soun rizoumo (fotò) qu'a lou goust de la regalisso. Tastas ! Es uno planto vertuouso contro lou tussi, lou quiéu tapa e li vèrme. Peréu èi diuretico e coulagogo.

Port : Pichoto planto lignouso
Taio : 10 à 30 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Polypodium
Famiho : Polypodiaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Si
Autour basso e auto : 0 à 2300 m
Aparado : Noun
Juliet à setèmbre

Liò : Roucas - Bos fres
Estànci : Coulinen à Subaupen
Couroulougi : Éurasiatico
Ref. sc. : Polypodium vulgare Shivas, 1961

Douceto(-banarudo)

Valerianella echinata

Caprifoliaceae Valerianaceae

Àutri noum : Grasseto, Greisseto.

Noms en français : Doucette à piquants, Mâche à piquants.

Descripcioun :
Aquesto douceto èi devengudo proun raro au nostro. Trachis dins li champ de culturo subretout mena en bioulougico qu'èi vengudo i'a de milo an emé lou blad (arqueoufito). Se recounèis eisadamen, qu'èi pas toujour lou cas dins aquesto famiho, emé si fru di tres bano (fotò) .

Usanço :
S'acampo en rouseto e se manjo coume ensalado champanello.

Port : Erbo
Taio : 15 à 80 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Valerianella
Famiho : Caprifoliaceae
Famiho classico : Valerianaceae

Ordre : Dipsacales

Coulour de la flour : Blanco
Petalo : 5
Ø (o loungour) flour : 1 à 2 mm
Flourido : Printèms

Sòu : Ca
Autour basso e auto : 0 à 1200 m
Aparado : Vo
Remarco : Ensalado champanello
Abriéu à jun

Liò : Champ - Meissoun - Ermas
Estànci : Termoumediterran à Mountagnard
Couroulougi : Estenoumediterrano
Ref. sc. : Valerianella echinata (L.) DC., 1805

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

Polypodium vulgare & Valerianella echinata

ges

RRR

Coumpara Regalisso-bastardo emé uno autro planto

Coumpara Douceto(-banarudo) emé uno autro planto